fbpx

السهل الممتنع

الـ  Inbound Marketing هي اللي هتنقذك – سهل وممتنع
من الأهداف الأساسية لعملية التسويق هو إنك تحصل على عميل مخلص.
العملية كلها ممكن تتلخص في 3 نقاط، إنك تحدد كويس مين اللي ممكن يبقى عميلك (Target) علشان تختار كويس الاستراتيجية اللي من خلالها هتجذبه،
وبعد تنفيذ الاستراتيجية هيبدأ التارجت يستجيب لك ويتفاعل معاك،
ومع الاستمرار على الاستراتيجية نوصل لمرحلة الـ Delighting واللي هتنتج من الثقة اللي حصل عليها العميل منك.
طيب ليه اللفة الكبيرة أوي دي؟
احنا ممكن بسهولة أوي نعمل إعلان مدفوع نقدر من خلاله نحدد بالظبط كل حاجة تخص الـ Target audience بتاعنا وهيشوف الإعلان امتى ويتفاعل معاه ازاي ونستفيد من المميزات الكتيرة دي
السهل الممتنع جميل جدا، ولكن..
الإعلان وسيلة قوية ولا غنى عنها في خطة التسويق، مع ذلك مينفعش نعتمد عليها اعتماد كلي..
المستخدمين مش دايما بيتبسطوا من الإعلانات، بينزعجوا شوية من كترها وأوقات ظهورها وأحيانا بيستنتجوا انها بتراقبهم وبتجري وراهم!
والمحصلة هنا ان زي ما الإعلانات بتدينا نتائج إيجابية في وقت قصير، هي لها بعض الانطباعات السلبية عند المستخدمين
عشان كدة مهم اننا نستخدم الـ Inbound marketing
الـ Inbound marketing بتهدف لبناء علاقة طويلة المدى مع الجمهور عن طريق تقديم Value
بمعنى أصح، بدل ما انت تروح للعميل بنفسك عشان تقنعه بالمنتج / الخدمة اللي بتقدمهم، انت بتقدم محتوى مناسب ومفيد وذو قيمة لجمهور محدد، وهما اللي هيجولك!
تقدر تستخدم أسلوب الـ Inbound marketing في 3 خطوات بس:
  1. Attract
استخدم محتوى مفيد لجمهورك
المحتوى الجيد ممكن يبقى في صورة فيديو أو بوست على السوشيال ميديا أو مقال على موقع
تقدر تقدم لجمهورك معلومات مفيدة وإجابات لأسئلة هما بيدوروا عليها في المحتوى بتاعك،
من خلال المحتوى هتكسب ثقة الجمهور
انت مش مستني منهم حاجة، هما اللي مستنيينك
  1. Engage
ركز دايما انك تقدم حلول أكتر من انك تبيع
عشان تأكد لعميلك المحتمل انك بتفيده، دور على الـ Pain points عند جمهورك
اعرف هما محتاجين ايه.. وقدمه
جاوب على اسئلتهم، اشرحلهم ازاي يستخدموا المنتج بتاعك أو ازاي خدمتك هتحسن حياتهم
اهتم جدا انك تتفاعل مع حياة الجمهور عشان يحسوا انك جزء منها مش غريب عليهم
  1. Delight
دي المرحلة اللي بيوصللها العميل لما يبقى satisfied
بطرق كتير تقدر توصل للعميل انه مهم عندك
اعمل surveys تسأله فيها عن مدى رضاه عن تجربته معاك، اديله المساحة انه يعرفك الـ feedback بتاعه عن خدمتك، استغل منصات الـ Social media في انك تكون على تواصل دائم مع جمهورك عشان تسمع منهم.
وبكدة هتكون بنيت علاقة قوية بينك وبين الجمهور، بتضمن ان عميلك المخلص هيكون مندوب وفي للـ Brand بتاعك
السهل الممتنع  وراك معلنين صادقين، من غير أي مجهود منك ..
تعرف أكتر عن أنجح استراتيجيات التسويق، تقدر تكلمنا على +20 1001654455، أو اضغط هنا Contact Us.