طبعاً لو عملت سيرش على أي محرك بحث، زي جوجل مثلا، عن ازاي اكتب محتوى ناجح ، هتلاقي 1000 مقال ومقال عن كيفية كتابة محتوى صح، بس بالرغم من إن الموضوع مهم جداً وبالرغم من إنك هتلاقي مواقع كتير بتكتب عن الموضوع ده بس برضو المصادر التعليمية أو اللي فيها قيمة فعلاً قليلة أوي، و اللي موجود يعتبر مصادر ضعيفة إلا قلة قليلة.
كتابة المحتوى أو الكونتينت من المهارات اللي لازم تبقى موجودة في أي مسوق أو Marketeer أو أي حد شغال في مجال الـ Content Marketing بشكل عام، ومافيش أي شركة تسويق مافيهاش حد شغال في السوشيال ميديا إلا وكان عنده المهارة دي، طب إنت بقى إزاي تنمي المهارة، إزاي تكتب محتوى ناجح؟ الكلمتين الجايين دول هيجيبوا من الاخر.
ازاي اكتب محتوى ناجح؟
هنجاوب على السؤال ده ب 3 أسئلة مهمين جداً، وهما :
1- بتكتب المحتوى ده لمين؟
2- نوع المحتوى بتاعك عامل إزاي؟
3- أيه هي الChannel اللي هتكتب عليها المحتوى بتاعك؟
1- بتكتب المحتوى ده لمين؟
لازم تبقى عارف كويس مين اللي هيقرأ الكلام بتاعك، مين هما ال Target Audience بتوعك، هما marketer زيك ولا أصحاب شركات و لا Customers وبس و على أساس ده هتبدأ تختار كلماتك صح وتختار المحتوى بتاعك هيأخد أنهي Tone Of Voice.
2- نوع المحتوى بتاعك عامل إزاي؟
طبعاً إحنا عارفين إن في أنواع من المحتوى؛ في المحتوى المكتوب، و المسموع، والمرئي. وكل واحد من الأنواع دي بيبقى له غرض و هدف معين، والأغلب طالما إنت على السوشيال ميديا بيبقى ال3 بتستخدمهم.
3- أيه هي الـChannel اللي هتكتب عليها المحتوى بتاعك؟
على حسب الـ channel اللي إنت شغال عليها بيختلف المحتوى بتاعك، يعني في الغالب لو على انستجرام بتهتم أكتر Visuals، لو على الفيسبوك بيبقى المحتوى المكتوب بيبقى أفضل، لو بتكتب على مدونة يبقى المقال هو الأصح وهكذا.
وفي حاجات تانية لازم تأخد بالك منها عشان المحتوى بتاعك يبقى محتوى ناجح زي:
1- الأخطاء الإملائية
لو إنت بتكتب لغة عامية، ففي الغالب مش هتركز أوي في موضوع الهمزات أو الكسرة أو الفتحة بس لو بتكتب محتوى باللغة العربية الفصحى أو حتى الإنجليزية فمراجعة المحتوى أكتر من مرة واجب عليك.
2- الـCall To Action
مهم أوي تعترف تختار الCall To Action بتاعك، إمتى تقول للناس لازم تشتروا المنتج ده أو تختار الBrand بتاعتنا بشياكة.
3- هيكل المحتوى
مهم أوي إنك تبقى منظم المحتوى بتاعك علشان يكون محتوى ناجح ، ميبقاش كله سايح على بعضه، لازم يبقى في:
- العنوان (Headlines)
- المقدمة (Introduction)
- الجسم (Body)
- الملخص (Summary)
- الطلب (Call to Action)
ممكن تتطبق الخطوات اللي فاتت دي وانت بتكتب المحتوى بتاعك، ولو حاسس إنك عايز تعرف أكتر عن ال Content إزاي تعمل Targeting ممكن تقرأ الBlogs دي
- قالك ال Content هو ال King
- ال Targeting يعني تنشين
- هو قالك فين ؟ … تحديد ال Targeting بالمكان
- marketing consultant