fbpx

Word of Mouth – الصيت ولا الغنى

Word of Mouth – الصيت ولا الغنى

زي ما اتكلمنا في blogs قبل كدة عن ميزة الـ targeting في الحملات الإعلانية، واللي من خلالها بيقدر المعلن توجيه إعلانه لفئة عمرية معينة في المكان اللي يختاره، كمان يقدر يخصص التوجيه أكتر بناءًا على تفضيلات المستخدمين واهتماماتهم.

الحقيقة ان مميزات الإعلانات المدفوعة مبتخلصش؛ طيب ما نعتمد عليها ونلغي كل وسائل التسويق التانية؟ ما سهلة اهي ..

لأ، مش بالسهولة دي

بعض المستخدمين مش بيثقوا في الإعلانات المدفوعة، لأنها بكل بساطة “مدفوعة”

المستخدم ذكي، وعارف ان الإعلان متوجه له ومخصوص عشانه

ودي نقطة على أد ما هي ميزة في صف المعلن، أحيانا بتجيب نتايج عكسية.

أكيد كلنا لاحظنا الشكوى المتكررة مؤخرًا من مستخدمي الإنترنت في العموم، ومستخدمي فيسبوك على وجه الخصوص من توقيت ظهور الإعلان

“أنا مجرد ما اتكلمت عن الكوتشي فتحت فيسبوك لقيت إعلانه في وشي”

“ساعات مجرد ما أفكر في منتج ألاقي إعلانه طالعلي”

ده بيخلق إحساس باختراق الخصوصية عند المستخدم، طبعا بجانب قلة المصداقية لأنه فاهم كويس جدًا إن البوست مدفوع فيه فلوس عشان يوصل له،

وده اللي يخلينا منعتمدش بشكل أساسي في التسويق على الحملات الإعلانية.

الإحصائيات بتقول إن 92% من المستهلكين بيثقوا في المنتج لما بيسمعوا رأي حد فيه أكتر من لما يشوف إعلان عنه ..

وهو ده تأثير ال word of mouth!

اسمحلي أوضحلك ايه هو تأثير الـ word of mouth في التسويق

بكل بساطة، عميل جرب الخدمة أو المنتج بتاعك، عجبه، قرر يرشحه لشخص تاني

ده بيأثر بنسبة كام يعني؟

بيزود من احتمالية شراء العميل للمنتج بتاعك أو لخدمتك 4 أضعاف!

ده ليه؟

عشان احنا مؤمنين بمثل “اسأل مجرب ولا تسأل طبيب”

لأن صاحبي اللي بينصحني مش مستني مني مقابل لما اشتري المنتج اللي بيفضله، هو عايز مصلحتي

دي النقطة اللي انت -كخبير تسويق- ممكن تشتغل عليها

ازاي توصل للـ target audience بتاعك من غير ما هو يحس انه هدف بالنسبالك!؟

لما تستخدم أسلوب الـ word of mouth صح!

ازاي؟ هقولك …

ممكن تسأل متابعينك في بوست أو ستوري عن آرائهم ومدى رضاءهم عن خدمتك، هتاخد سكرين شوت للتعليقات الإيجابية وتستخدمها في بوست منفصل عشان تطمن العملاء المحتملين أكتر من التعامل معاك

لو جالك تعليقات سلبية، متقلقش. اتعامل معاها بذكاء وتجاوب مع صاحب التعليق وحاول تساعده عشان تحلوا المشكلة اللي واجهها معاك، واعتذرله

ده هيوضح لجمهورك مصداقية أكتر، وهيوصللهم انك مهتم بالعملاء

زود أوبشن الـ rate على البيدج أو الويبسايت بتاعك

شجع عملائك السابقين يحكوا عن تجربتهم معاك، ممكن تقدملهم هدايا بسيطة مقابل ده، وجمع كلامهم واعرضه لجمهورك

خصص ميزانية للـ influencers.

 مهم جدا تختار الإنفلونسر المناسب ليك

عدد الفولورز عنده مش أهم حاجة، المهم انك تختار شخص مناسب لعرض منتجك أو خدمتك،

اختار حد قريب من جمهورك،

حد يصدقوه.

دي خطوات بسيطة ممكن تزودها في الـ marketing strategy بتاعتك هتساعدك جدا في كسب ثقة عملائك وزيادة عدد العملاء المحتملين لأنك رفعت من مصداقيتك مع جمهورك.

عشان تعرف أكتر عن أنجح استراتيجيات التسويق، تقدر تكلمنا على +20 1001654455، أو اضغط هنا Contact Us.